|
FADLAN TAAGEERA MURASAHXADDA MRS-CADIGIA ALI Waxaa mudnaanteeda leh qiimo weyna ku fadhida ka qeyb galkahanaan siyaasadeed iyo hey'adaha go'aan qaadashada ee ka jira Dalalka Jaaliyadda Somaaliyeed tirada badan ku leedahay waana arrin si toos ah u taabaneeysa qaabkooda nolooleed iyo weliba aayaha mustaqbal ee ubadkooda ama ubadkeena,iyadoo la ogyahay xaalada jaha-wareer iyo dhibaatooyinka xad dhaafka oo eey la kulmaan Somaalida qurba jooga hadii eey ku sugan yihiin:-Yurub, W.Mareeykanka,Austaraaliya,Aasiya iyo Dalalka Afrikaba waana arrin ku saleeysan midnimo la'aan iyo maqnaanshaha cid codkooda ku hadasha oo sida ku haboon u metesha(Wakiil dhab ah).  You can help our community by attending Cadigia Ali’s Fundraising Party.
Anigoo muwaadin somaaliyeed si weyn u taageera una soo dhoweeya guud ahaan wanaaga,sama ka talinta iyo wixii danta guud faa'iido ugu jirto si joogto ahna u tusaale ummadda somaaliyeed uguna baaqa ahamiyada midnimadda,wada jirka iyo iskaashiga dhexdooda.taageera talaabo kasta oo dhan toosan loo qaado kana diga xumaanta,dayaca iyo dhibaatada kala daadsanaantu leedahay(qasaaraheediina si cad loo arkay),waxaan maanta qormadan ugu talo galay ku dhiirinta iyo ku taageeridda Mrs-CADIGIA ALI oo u taagan ama isu soo sharaxday ka mid noqonshada Golaha Degaanka Magaaladda Toronto Canadda una taagan loolan ama tartanka Xaafada ama aaga:-Ward 2-Etobicke North.
Waxaan si weyn ugu boorinaayaa jaaliyadda somaaliyeed ku dhaqan ama degaan degaanka Marwo-Cadigia Ali ka tartameeyso in eey sida ku haboon taageero buuxda ugu fidiyaan si hagar la'aan ahna ula duubtaan iyagoo ka duuliyaa ahamiyada doorashadaasu u leedahay jaaliyadan ahaan iyo in eey si wanaagsan u gartaan mudnaanta guusha Mrs-Cadigia eey ugu fadhido maadaama eey tahay somaaliyeed fahmeeysa lana socota xaalada Jaaliyada somaaliyeed(dadka walaalaheed ah)kana dheregsan tahay dhibka haysta tusaale ahaan:-
1-Dhanka Tacliinta. 2-Dhanka Caafimaadka. 3-Dhanka Nabadgelyadda. 4-Dhibaatadda Dhalinyaradda iyo Tacadiyada eey la kulmaan. 5-Cunsuriyadda. 6-Shaqadda. 7-Barbaarinta Ubadka iyo Daryeelka Hooyadda. 8-Sharciga Dalka iyo Xuquuqda Muwaadinka. 9-Guryaha. 10-Dhibaatooyinka Qoyska iyo guud ahaanba dhibka degaankaas ka jira.
Gunaanadka qormadan gaaban waxaan mar labaad ku boorinaayaa xubnaha Jaaliyada somaaliyeed ee degaankaas ku dhaqan in eey doorkooda sida ku haboon u qaadaan iskuna dhiiri geliyaan taageerida iyo cod siinta Murashaxa somaaliyeed oo magacdeeda iyo sawirkooduba kor ka muuqdo una taagaan metelaadooda iyo wax ka qabashada dhibaatooynika aan soo xusay iyo kuwa kale oo jiri karaba,wixii faah-faahin ah waxaad ka heleeysaan Lifaaqa Sawirka Marwo Cadigia hoostiis ku qoran,sidoo kalle waxaan ugu baaqi lahaa bahdda warbaahinta somaaliyeed ee magaaladda Toronto iyo guud ahaan Dalka Canadda in eey gacan ka geeystaan ka qeyb qaadashada Olollaha tartanka mudnaanta ku haboona siiyaan gudbinta qorshaha iyo fariinta Murashaxadaas Somaaliyeed anigo og in warbaahin badan oo ku hadasha afka somaaliga ka jiraan Dalka Canadda weli gaarkood ka mid yihiin warbaahinta ugu muhiimsan ee somaaliyeed.
-Qorre-Xassan C/Laahi Sh(Xassan Carab)- -England-UK- 05/09/2010-
kala soco wara ku xiiso geliya kana qeeybqaado gargaarka walaalahaaga dhibaateeysan www.4somaliwomen.com This e-mail address is being protected from spambots. You need JavaScript enabled to view it .
|
fadlan tell-Telefoonka +254722282090
Cunto Karis
Ali Sufi Home Academy
Ugargaara Qoyskan
Dadka Tabarta Yar
Kutubeey
Caawi Bukaankan
Waqtiyada Salada
Jidka Janada
caawicunugaan
fadlan caawi
Sahro U gargaara
