Jaaaliyadda Australia oo maanta deeq qalab caafimaad ah soo gaarsiisay isbitaalka dhexe ee Degmada Garoowe.

Jaaaliyadda Australia oo maanta deeq qalab caafimaad ah soo gaarsiisay

isbitaalka dhexe ee Degmada Garoowe.

Waxaa maanta gudaha Isbitaalka weyn ee degmada Garoowe si rasmi ah loo

soo gaarsiiyey qalab caafimaad oo isugu jira qalabka lagu dabiibayo

hooyadda uurka leh iyo caruurta yar yar si ay ugu sahasho hooyooyin

uurka leh dhalintaanka oo inta badan u dhiman jiray dhiig joojin

la’aan.

Munaasabada deeqdani oo ay goobjoog ka ahaayeen Masuuliyiin sar sare

oo ay ka mid yihiin Wasiiradda Haweenka iyo Horumarinta Qoyska iyo

Wasiirka kuxigeenka Wasaaradda Caafimaadka DPL iyo dhamaan

masuuliyiinta isbitaalka dhexe ee degmada Garoowe

Ugu horeyntii waxaa munaasabada qalabkani lagu gudoonsiinayey

isbitaalka weyn ee magaaladda Garoowe ayaa waxaa ka Hadley Agaasimaha

Isbitaalka Garoowe Dr Carab isagoona ugu horeyn u mahad celiyey  Dr

Idil Cabdi Cismaan oo iyadda deeqdani caafimaad soo gaarsiisay

isbitaalka caasumadda puntland ee Garoowe.

Sidoo kale waxaa isana halkaasi ka Hadley Wasiirka Kuxigeenka

Wasaaradda Caafimaadka Dawladda Puntland Dr Maxamed Xirsi Ducaale oo

isana sidaasi si la mid ah mahadcelin balaaran nadashaasi uga jeediyey

Jaaliyadda Reer Puntland ee Australia oo iyaga isbitaalkooda oo ay ku

jiraan dad walaalahood ah soo gaarsiiyay qalabka caafimaad oo muhiim u

ah hooyadda dhalaysa una sahasha qeybta dhalista.

Waxaa kaloo iyana munaasabaddaasi deeqda caafimaad lagu gudoonsiinayey

isbitaalka Garoowe ka hadashay Wasiiradda Haweenka iyo Horumarinta

Qoyska Marwo Caasho Geele Diiriye oo iyaduna sheegtay in ay si aad ah

ugu faraxsan tahay in maanta jaaliyadda reer Australia soo gaarsiiyaan

  isbitaalka magaaladda Garoowe deeqdani caafimaad oo ah mid baahi

weyn loo qabay iyadoona baaq u jeedisay dadka kale ee reer puntland ee

ku dhaqan dibadda in ay ku daydaan walaalahood oo maanta deeqdani soo

gaarsiiyey isbitaalka degmada Garoowe.

Ugu danbeyntii waxaa xafladaasi ka hadashay Dr Idil Cabdi Cismaan oo

iyadda ah dadka deeqdani soo gaarsiiyey isbitaalka gudaha magaaladda

Garoowe iyadoona xustay in ay deeqdani tahay mid ay  soo uruuriyeen

jaaliyadda reer Puntland ee Australia  kadib markii ay arkeen dayaca

xoogan ee ka muuqda isbitaalka weyn ee Garoowe kuwaasi oo Hooyooyin

faro badan caruurtoodu ugu geeriyooto marka ay foolanayaan qalabkani

awgiis.

Ma ahan deeqdii ugu horaysay ee la soo gaarsiiyo isbitaalka weyn ee

degmada Garoowe iyadoona ay jireen dhowr jeer oo ka horaysay oo ay

qaar ka mid ah hay,addaha muxaliga ah soo gaarsiiyeen isbitaalka weyn

ee magaaladda deeq caynkan oo kale ah.

Xuseen Cabdulaahi Xasan

E-Mail   This e-mail address is being protected from spambots. You need JavaScript enabled to view it

Garowem Puntland Somalia